ქრისტინე ჭელიშვილი

ვცხოვრობ ქ. ტყიბულში. ამ ეტაპზე, სხვა საქმეებთან ერთად, ვარ TDDF-ს STEM კლუბის ერთ- ერთი ლიდერი. პროფესიით ვარ ეკონომისტი, დავამთავრე ივანე ჯავახიშშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის საბაკალავრო და სამაგისტრო პროგრამები. დაინტერესებული ვარ ფირის ფოტოგრაფიით, მიყვარს ფეხით სიარული და ვუკრავ ფლეიტაზე.

კლიმატის აკადემიაში მონაწილეობა ჩემთვისა საინტერესოა მრავალ ასეპქტში. პირველი და ყველაზე მნიშვნელოვანია ის, რომ მსურს მეტი გავიგო აღნიშნული საკითხის შესახებ, გარდა ამისა, პროექტის მეორე ეტაპი ჩემს მშობლიურ ქალაქში ტარდება. ეს კი, თავის მხრივ დამატებითი მოტივაციაა. ვცხოვრობ ტყიბულში, რომელიც ცნობილია ქვანახშირის მოპოვებით. ჩემთვის მნიშვნელოვანია მეტი გავიგი აღნიშნულ თემაზე, თუნდაც კლიმატის ცვლილებაზე შახტების გავლენის გამო.

მულტიპლიკატორები არიან ადამიანები, ვინც ფლობენ გარკვეულ ცოდნას და უზაიარებენ მას სხვებს. მულტიპლიკატორების როლი მნიშვნელოვანია იმ მარტივი მიზეზიების გამო, რომ ისინი ავრცელებენ მათთვის ცნობილ ინფორმაციას, ინტერესს აღძრავენ გარშემომყოფებში და ხელს უწყობენს ისეთი საზოგადოების ჩამოყალიბებას, რომელმაც მეტი იცის.

ქართველ ახალგაზრდებს, რომლებიც კლიმატის ცვლილების თემით არიან დაინტერესებული ვეტყოდი, რომ იაქტიურონ და მეტი ისაუბრონ ამ საკითხზე.